Tips sa pagsisimula ng maliit na negosyo

Nag-iisip ka ba ng dagdag kita?

Sa hirap ng buhay dito sa atin, naniniwala ako na marami sa atin ang nag-iisip kung papaano magkakaroon ng dagdag kita para pandagdag sa araw araw na gastusin dahil sa liit ng sahod na naiuuwi sa araw araw na pagtatrabaho.

Madali lang naman ang pagtatayo ng maliit na negosyo ngunit maraming dapat isaalang-alang sa patatayo nito.

1.       Magsimula sa maliit na  posibleng  puhunan

Maliit na puhunan lang sa umpisa para malaman kung may posibilidad na magiging malakas ang gagawing negosyo, hindi magiging masakit sa bulsa kung sakaling malugi at madali kang makakapagpalit ng ibang pagkakakitaan.

2.       Lugar na pagtatayuan ng negosyo

Kilalanin ang mga magiging kostumer, tama ba ang lugar para sa produkto o serbisyo na naiisip mo? Tatangkilikin ba ng mga tao sa lugar mo ang produkto o serbisyo mo?

3.       Makatuwirang halaga o presyo ng negosyo

Hangga’t maaari huwag maging gahaman, gawing makatuwiran sa lahat ang halaga ng produkto o serbisyo.

4.       Pagmumulan ng produkto

Alamin ang pinakamalapit at murang pagkukunan ng mga produkto, mas malapit mas maganda sa negosyo, kung maaaring itawag lang para sila na ang magdadala sa pwesto mo.

5.       Imbentaryo

Maglaan ng oras para sa pag-iimbentaryo ng paninda, maaring gawin ito ng isa o dalawang beses sa loob bg isang lingo, iwasang bumili ng produktong medaling masira at matumal bilhin ng kostumer.

6.       Dedikasyon at sipag

Ang dedikasyon at sipag ang sekreto at susi sa matagumpay na pagnenegosyo. Madami ang mga may ugaling ningas kogon na sa umpisa lang masipag at sa huli ay pinanbabayaan na lang ang negosyo sa mga katiwala.

7.       Mag-ipon at magplano sa posibleng pagpapalawak ng negosyo

Huwag maging kuntento sa kikitain ng maliit na negosyo, maaring magdadag ng iba pang produkto at magpalawak ng puwesto kung lumalago na ito.

Kung magiging tama ang lahat ng paraan sa pagsisimula ng negosyo, hindi magiging imposible ang pagpapalago nito, sana makatulong sa inyong nagpaplanong magtayo ng maliit na negosyo.

Please see Katotohana sa pagsisimula ng maliit na negosyo