Isang katotohanan sa pagsisimula ng maliit na negosyo

Gusto ko lang ibahagi sa inyo ang isang katotohanan sa pagsisimula ng maliit na tindahan ng kapatid ko dito sa bahay namin, maliit na negosyo pero malaking tulong sa pang-araw araw na gastusin sa bahay. Noong una hindi ko inaakala na na magiging malaking tulong sa pinansyal ang noong parang isang laro lang ng pamangkin kong babae sa pagtitinda-tindahan dahil sa una medyo alanganin ang puwesto ng bahay namin kumpara sa ibang kapitbahay na mga naunang may tindahan na.

Alam nyo ba na sa halagang bente pesos (P20.00) nagsimula ang negosyo?

Totoo yan! Dahil malapit ang lugar namin sa talipapa,naisipan ng pamangkin ko na mamili ng mga pagkaing pambata (strategic marketing) na sa tingin nya ay madaling maibenta sa halagang bente pesos (small capital), at sa tuwing malapit ng maubos ang paninda ay dali-daling bibili ng panibagong item para may laman ang tinda nya (on time inventory).  Alam nyo ba na kumita at naging triple ang puhunan sa buong maghapon? (perfect place for a kind of business). Pagdating ng gabi pinag-usapan namin ng kapatid ko at hipag ko na suportahan ang hilig ng anak nila (opportunity grabber), nag-ambag kami ng tig-fifty pesos (P50.00) para malaman kung magiging matatag ang takbo ng tinda-tindahan, at sa buong linggo lumago ang sinimulang puhunan na hindi namin inaakala. Hanggang sa pinagplanuhan na namin na gawing maliit na negosyo ang nasimulan ng pamangkin ko, nagdagdag ng konting puhunan (additional capital), naghanap ng mas murang mapagkukunan ng kalakal at nag-isip ng mga produktong madaling maibenta.

Sampung taon pa lang ang pamangkin ko noon ng naiisipan nya ang ganitong negosyo.

Mahigit dalawang taon na ang nakalilipas pero hindi pa din nagbabago ang hatak ng tindahan na akal mo may magnet na humihila ng ng mga parokyano.

May mga ilang karibal na nagsara dahil halos lahat ng kapitbahay nila ay hindi na sa kanila bumibili.

Mga pinag-usapan sa sapagpaplano

1.       Huwag magtitinda ng mga madaling masira

2.       Maging makatuwiran ang halaga ng paninda

3.       Mamili ng mga panindang sasapat sa susunod na pamimili para may ibang items na mabibili

4.       Maging malinis at presentable maging sa sarili at sa paninda sa oras ng pagtitida

5.       Maging friendly sa lahat

Ito ay isang halimbawa lang ng pagsisimula ng maliit na negosyo

May mga pagkakataon na pwedeng mangyari sa inyo o kung hidi naman ay may iba pa na mas may kinalaman sa kakayanan nyo tulad ng pagtitinda ng ibang bagay,pagtitinda ng lutong pagkain, food processing, serbiyo o kung ano ano pa.

Sana makatulong sa lahat.

See also Tips sa pagsisimula ng maliit na negosyo